Distemper Factory

  ڈسٹمپر کی ایک چھوٹی فیکٹری لگانے کے لئے درکار اشیاء

 ٹریڈ مارک رجسٹریشن

 اپنے برانڈ کے پرنٹنڈلیبل

خالی بالٹیاں

را میٹریل

  ڈسٹمپر بنانے والی مشین

 کنڈا ، ٹب ، بالٹی ، بمبو وغیرہ

مفت ٹریننگ کے لئے اپنے قریب ترین بزنس ٹاکس کے دفاتر کا وزٹ کریں

  :سیلز کے متعلق چند ضروری باتیں

سیلز مین مارکیٹ میں کیوں نا کام ہوتے ہیں؟

میر اواسطہ بہت سے سیلز مینوں سے پڑتا ہے جو بہت محنتی ہیں اور اپنے کام کے ساتھ سنجیدہ بھی

ان کے کام میں کوئی کمی نہیں لیکن اس کے باوجود وہ مارکیٹ میں نا کام رہتے ہیں ۔

 وہ جتنی محنت کرتے ہیں ، اتنا نتیجہ حاصل نہیں کر پاتے  یہاں عام طور پر سیلز مین کی ایک خوبی پر

توجہ دی جاتی ہے جسے ہم اسکلز کہتے ہیں لیکن دوسرے پہلو پر توجہ نہیں دی جاتی جسے شخصیت کہتے ہیں 

ہر انسان وہ خواہ کسی پروفیشن سے تعلق رکھتا ہو، کتنا ہی ماہر ہو اس کی کامیابی یا نا کامی میں صرف

اس کی پروفیشنل اسکلز ہی کردار ادا نہیں کرتیں ، بلکہ اس کے شخصی یا انسانی اوصاف بھی اہمیت

رکھتے اور اس کے پروفیشن اور زندگی پر اثرات مرتب کرتے ہیں

یادرکھیے، ایک اچھا انسان ہی اچھا سیلز مین بن سکتا ہے۔ ایک اچھا انسان ہی اچھی مارکیٹنگ کا ہنر حاصل کر سکتا ہے۔

اس کیلئے سب سے پہلے اپنے رویے اور کردار کا جائزہ لیجیے اور اپنی شخصیت کی خوبیوں اور خامیوں کو کھوجیں ۔

ایسے پروفیشنلز بھی پائے جاتے ہیں جو یہ کام کچھ معاوضہ لے کر کرتے ہیں اور بتاتے ہیں کہ آپ کی شخصیت میں کیا خوبیاں اور خامیاں پائی جاتی ہیں۔

آپ چاہیں تو ان سے بھی یہ مدد لے سکتے ہیں

  آپ کی طبیعت میں غصہ ہے ؟

آپ نے بعض لوگوں کو دیکھا ہوگا کہ انھیں غصہ آتا ہے۔ جو افراد سیلز اینڈ مارکیٹنگ کی فیلڈ میں ہیں اور انھیں غصہ آتا ہے وہ کبھی اپنے کیرئیر میں آگے نہیں بڑھ سکتے 

ایک حدکے بعد ان کی گروتھ رُک جاتی ہے اگر آپ کو غصہ زیادہ آتا ہے تو یہ بہت بڑی خامی ہے جو

آپ کے ہر قسم کے پروفیشن میں رکاوٹ کا ذریعہ بنتی ہے۔

اس کا حل یہ ہے کہ آپ کسی میٹنگ میں بیٹھے ہیں یا کسی سے سیلز کے متعلق بات کر رہے ہیں

اور آپ کو اس دوارن غصہ آجاتا ہے ، اس صورتحال میں بیٹھے ہیں تو کھڑے ہو جائیں ، کھڑے ہیں

تو تھوڑی دیر کے لیے وہاں سے چلے جائیں  یعنی فرد سے دوری اختیار کر لیجیے ۔

غصہ ہویاکوئی اور منفی احساس، یہ سات آٹھ منٹ سے زیادہ باقی نہیں رہتے ۔ جس وقت آپ کو کسی وجہ سے غصہ آتا ہے اور چند منٹ آپ وہاں سے ہٹ جاتے ہیں تو آپ کا دماغ ٹھنڈا ہو جائے گا اور آپ کیلئے دوبارہ وہاں جا کر آرام سے بات کر نا ممکن ہوگا۔

سیلز مین اور گفتگو کے آداب

جب بھی بات کریں تو اس بات کا بہت خیال رکھیں کہ آپ کی آواز مدھم رہے۔ آپ جو بات بلند آواز میں کر کے اپنی بات موثر بنانا چاہتے ہیں وہی بات دھیمے لہجے میں مناسب الفاظ کا استعمال کر کے زیادہ بہتر انداز میں منوا سکتے ہیں ۔

اگر آپ کی آواز اپنے کسٹمر یا کلائنٹ سے بلند ہو گی تو وہ آپ سے لین دین نہیں کرے گا۔ کیوں کہ بلند آواز سے طبیعت میں کدورت پیدا ہوتی ہے اور جس سے بلند آواز میں بات کی جاتی ہے، اسے یہ محسوس ہوتا کہ گویا اس کی تذلیل کی جارہی ہے۔

جس آدمی کو کسی سے بات کر کے تذلیل محسوس ہو تو وہ اس سے لین دین کیوں کرے گا ؟ گفتگو کے دوران آواز کا اتار چڑھاؤ بہت ہی اہم ہے۔ اگر اس پر آپ نے قابو پانا نہیں سیکھا تو آپ کبھی کامیاب سیلز میں نہیں بن سکیں گے۔
غیر ضروری گفتگو سے پر ہیز                                                                              

اکثر میل ملاقات کے دوران کا روباری گفتگو کے ساتھ ساتھ سیاست یا مذہب پر گفتگو شروع ہو جاتی ہے۔ یہ مکالمہ ابتدا میں ہلکا ہوتا ہے اور غیر محسوس طور پر اس میں شدت آجاتی ہے۔

سیاست اور مذہب دو ایسے موضوعات ہیں جن پر لوگ بہت جلد بہت جذباتی ہو جاتے ہیں ۔ ہم اپنی سیاسی اور مذہبی رائے کے خلاف کچھ سننا پسند نہیں کرتے۔

اس کا نتیجہ یہ نکلتا ہے کہ ہلکی پھلکی کاروباری گفتگو کچھ ہی دیر میں بحث مباحثہ کی شکل اختیار کر لیتی ہے۔ ماحول گرم ہو جاتا ہے اور پھر ہم کاروبار کا اچھا موقع کھو دیتے ہیں چنانچہ اچھا سیلز مین بننے کے لیے ضروری ہے کہ سیاسی و مذہبی بحث سے کنارہ کشی اختیار کرلیں

سارے کام خودمت کیجے

بعض فیکٹری مالکان پروڈکشن بھی خود کرتے ہیں، پیلنگ بھی خود کرتے ہیں اور سیلز کیلئے مارے مارے بھی خود پھرتے ہیں۔ یہ غلطی کبھی مت کیجیے۔ یہ سب مکمل کام ہیں اور پوری توجہ اور پورا وقت مانگتے ہیں۔ یہ نہیں ہو سکتا کہ آپ ایک ساتھ سب کام کریں ۔

آپ کا کام پروڈکشن ہے تو آپ اپنی توجہ مال کی تیاری پر دیں۔ اس مال کی فروخت کیلئے سیلز مین رکھیں اور ان کو ماہانہ اہداف دے کر اپنی سیلز بڑھائیں

 کبھی دوسیلز مینوں کو ایک علاقہ مت دیجیے

آپ جب ایک سے زیادہ سیلز مین رکھیں تو کبھی دو یا دو سے زائد سیلز مینوں کو ایک ہی علاقہ مت دیجیے۔ انھیں اتنے بڑے اہداف بھی مت دیجیے جو بہ ظاہر انتہائی مشکل یا ناممکن دکھائی دیتے ہوں

زیادہ تر نئے کاروباری جذبات میں آکر یہ غلطی کر جاتے ہیں۔ یا پھر انھیں یہ بھی فکر ستاتی ہے کہ انھوں نے اپنے کاروبار پر خوب پیسہ لگایا ہے، اب اسے نکالنا بھی تو ہے۔ اس کیلئے وہ غیر حقیقی اہداف طے کرتے ہیں۔

اس سے نفع تو کیا ہونا ہے، سیلز مین پریشان ہو جاتے ہیں اور جتنی سیلز ہوسکتی ہے، وہ اس سے بھی محروم ہو جاتے ہیں۔ اس لیے اہداف ہمیشہ حقیقی ہوں اور تخمینہ کی بنیاد پر ہوں تبھی کاروبار آگے بڑھ سکتا ہے